O noso blog

A combinación perfecta

A combinación perfecta

J.Frede é un artista afincado en Los Ángeles que se adica á escultura, fotografía, vídeo, instalacións… Un home orquestra das artes. Na súa web podedes comprobar parte dos seus traballos.

Unha das series que máis no gustou foi esta na que combina diferentes obras/fotografías para conseguir unha peza totalmente nova. O proxecto comeza nunha recopilación de cadros vellos que o artista foi conseguindo en tendas de antigüedades e uníndoo consegue facer collages fascinantes.

Comprobádeo por vós mesm@s:

Ler máis

As paranoias de John Trashkowsky

As paranoias de John Trashkowsky

John Kowsky (aka John Trashkowsky), é un artista que gosta de usar a acidez, a crítica e a ironía nas súas obras.

As súas instalacións son sinxelas, máis o trasfondo e idea que encarnan vai moito máis alá. Podemos dicir que fai arte contemporáneo posto que fala de psicoses, ansias, paranoias… un reflexo fiel da sociedade na que vivimos.

Para coñecer un pouco máis a súa obra visitade a súa web aquí.

Ler máis

99 Botellas de viño

99 Botellas de viño

Xa levamos un tempo traballando no deseño de etiquetas de viño. E non é ningún segredo que é un mundo que nos encanta. Por iso cando descubrimos este proxecto sentimos a necesidade de adicarlle unha parceliña no noso blog.

O creador de 99 Wine Bottles é Ollivier Thomas, máis coñecido como Tom Le French; un creativo e director de arte francés residente en Londres. Os seus traballos son tan variados que van dende a fotografía ata a produción musical. Todo un home orquestra.

99 Wine Bottles é unha serie na que o autor transporta 99 marcas coñecidas a nivel mundial ó mundo vitivinícola. É dicir, crea un deseño de botella de viño para marcas como Durex, Google, Adidas ou Lego. Todo baixo un deseño minimalista pero cargado de cor. No deseño tenta non abandoar a identidade de marca que xa temos todas interiorizadas xa que son marcas altamente coñecidas polo público en xeral. Esta é a presentación do proxecto en palabras do seu creador: Hoxe en día, as marcas e entidades están diversificándose a si mesmas en todos os sectores. Que pasaría se “invadisen” a elaboración do viño? 99 botellas dá unha vista previa de como se poderían ver e sentir estes produtos.

Chin-chin! 😉

Ler máis

Os corpos surrealistas de Ángela Burón

Os corpos surrealistas de Ángela Burón

Ángela Burón é a autora dun dos nosos últimos descubrimentos no mundo dos blogs.

Quizais, o que primeiro nos chamou a atención foron as súas fotografías (hipnotizan, enganchan, confunden). Pero unha vez que nos puxemos a indagar nas entrañas do blog tamén descubrimos que Ángela Burón escribe, conta historias e comparte cousas (e dentro de cousas incluímos vídeos dos Simpson). Atrevédevos a entrar porque paga a pena. E para as máis curiosas e curiosos ata nos ensina a través de vídeos como fai as súas montaxes. E repetimos, comparte vídeos dos Simpson 😉

Ler máis

Unha nova droga: as tecnoloxías

Unha nova droga: as tecnoloxías

Removed é unha serie de imaxes creadas polo fotógrafo estadounidense Eric Pickersgill, coas que critica a nosa adición aos teléfonos intelixentes e ás redes sociais. Porque quen pode afimar con toda seguridade que podería pasar tan só un par de días sen o teléfono e non sentir nin unha miguiña de ansiedade? E falamos de dous días rutinarios, non dous días de escapada, que aí podemos sobrevivir calquera 😉

A idea que tivo Eric Pickersgill foi a de fotografar persoas utilizando os seus dispositivos para despois retirarllos mediante retoque. E o resultado fala por si mesmo.

Sabemos é un tema moi manido e semella que a ninguén nos gusta escoitar iso de que somos exclavas das tecnoloxías, pero é unha realidade. E estas fotografías fannos reparar nela dunha maneira máis artística.

P.D: Un besi a quen esté lendo este artigo dende o seu dispositivo móbil.

Ler máis

La gente anda diciendo

La gente anda diciendo

La gente anda diciendo é un proxecto colaborativo mediante o cal se recompilan fragmentos de conversacións escoitadas nas rúas arxentinas (nun icicio). Frases soltas, ás veces inconclusas, case sempre fóra de contexto pero que nos sacarán máis dun sorriso. Nacido en 2012, leva recompiladas máis de 100.000 frases (que se di pronto!) e vai medrando xa que cada día reciben máis e máis escoitas.

Sempre facemos fincapé en que nos gustan as ideas sinxelas. É complicado atopar a efectividade nunha idea, pero se ademais esa idea é simple, sen demasiadas florituras, esa idea engánchanos.

Esta é a descrición que fan a autora e autor do proxecto:

Somos Tatiana Goldman y Ezequiel Mandelbaum, creadores del proyecto web La Gente Anda Diciendo. La idea nació en diciembre de 2011 con un premisa simple pero ambiciosa: hacer una recopilación de miles de frases escuchadas en las calles para algún día editar un libro que reflejara de forma entretenida la manera en que hablamos. Durante 9 meses registramos unas 150 frases. Entonces, en agosto de 2012, decidimos compartir algunas en una página de facebook y una cuenta en twitter: http://www.facebook.com/LaGenteAndaDiciendo y @gentediciendo. Desde ese momento comenzamos a recibir el apoyo de cientos de miles de personas que envían lo que ellos mismos escuchan. A medida que aumentaban los seguidores, el proyecto fue cobrando notoriedad pública, siendo difundido por varios de los medios más importantes de Argentina y Latinoamérica.
Filosofía pura a pé de rúa. Mola, non?

Ler máis

Se continúa navegando no noso sitio acepta a política de cookies máis información

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close