Blog : pintura

Desordes Sonoras

Desordes Sonoras

Este fin de semana movímonos ata o norte para visitar (e gozar) o Desordes Sonoras, un festival artístico-musical organizado por xente do DesOrdes Creativas. A xornada comezaba xa na hora do vermú e remataba con concertos ata ben entrada a noite. Pero a actividade diurna estrela foi o roteiro guiado polos murais da vila, que inda que breve, foi moi, moi interesante.

Para quen non a coñeza, Ordes é unha vila coruñesa que (baixo o noso punto de vista) foi situada no mapa grazas ao festival de arte na rúa chamado Desordes Crativas. Así é que se pode pasear polas súas rúas e deleitarse con murais de pequena e grande escala pintados por artistas vid@s dende Italia, Arxentina, México ou Grecia así como do Estado español e a propia Galiza. Unha sorte contar con tanto colorido e arte ao alcance de todas e todos.

Así que A&B puxemos rumbo a Ordes na procura de inspiración. E atopamos iso e moito máis, xa que os murais son unha auténtica marabilla e os concertos foron o broche de ouro para unha xornada ben fermosa. Ah! E encantounos saudar a Noel e ver como pintaba en directo. Un artistazo!

Deixámosvos cunha pequena mostra do que foi o roteiro e convidámosvos a que vos acheguedes un día, porque paga moito a pena. Arte para tod@s!

Ler máis

Yoga+Arte

Yoga+Arte

Soren Buchanan é unha monitora de Yoga de Chicago namorada da arte que quixo unir as súas dúas maiores paixóns nun proxecto realmente atractivo e visual (ou polo menos así nolo parece a nós).

O que hoxe vos traemos son unha serie de coidadas e coloridas fotografías nas que a monitora posa realizando diferentes posturas de yoga. Pero non só iso, porque o esceario que ela escolle son as paredes cheas de graffiti da cidade.

Nótase que hai unha preparación previa detrás de cada fotografía pola colocación da propia monitora, o vestiario escollido, etc.

Unha serie de fotografías a non perder polas cores, a beleza das posicións do seu corpo e pola idea.

Non deixedes de seguir tamén o seu Instagram.

yoga-street-art-Soren-Buchanan-02

Ler máis

Lim Zhi Wei, arte floral

Lim Zhi Wei, arte floral

Hoxe presentámosvos a unha artista moi primaveral. Chámase Lim Zhi Wei e usa entre outras cousas acuarelas e pétalos para crear, unha mestura coa que logra un efecto moi visual e colorido.

Esta xoven artista de Malasia decidiu crear pequenas obras con obxecetos cotidiáns. Debuxa acuarelas de formato pequeno xa que non dispón de moito tempo libre para pintar grandes cadros. Con esta técnica crea bailarinas, insectos, monumentos… e loitando contra o efímero do material, imortaliza a súa obra mediante fotografías das mesmas, que son obras de arte en si mesmas.

Aquí vos deixamos a súa páxina e o seu instagram, @lovelimzy, que paga a pena seguir!

13983485090_2be0d985f4_b

Ler máis

Unha visita guiada polo mundo da arte urbana

Unha visita guiada polo mundo da arte urbana

Queredes disfrutar do mellor da arte urbana no Brasil?

Ver os muros máis impactantes de Berlín?

Comprobar que é o que se coce nas paredes de Praga?

Pois agora gracias a Google Street Art podemos facer unha visita guiada sen movernos da nosa casa polo mundo da arte urbana. Claro que o mellor sería velo in situ, pero mentres aforramos para iso podémonos ir empapando gracias a esta galería virtual desarrollada polo instituto cultural de google.

Nesta páxina podemos disfrutar de visitas con audio, explicacións das obras, historias dos e das artistas, exposicións on line e moito máis. A que estades esperando?

[Aviso para navegantes: unha vez que abrades a páxina os minutos e as horas desaparecerán a fume de carozo!]

Ler máis

We love gifs (VI)

We love gifs (VI)

Si! Comezamos o novo curso e voltamos á carga cunha nova entrada de gifs (a sexta!).

Desta volta traémosvos un tumblr chamado The Gif Connoisseur, no cal varios artistas realizan gifs inspirados na pintura “The Connoisseur”  de Norman Rockwell e que representa a un home observando un cadro de Pollock. Esta obra ten desconcertad@s a centos de historiador@s que levan 50 anos tentando averiguar se o autor coa obra pretendía denunciar o movemento de Pollock ou, pola contra, demostra un gusto polo seu traballo.

Deste xeito, o tumblr cuestiona a labor d@ espectador/a que visita os cadros de museos e a maneira de “consumir” esta cultura.

Pero o blog non só nos deleita con gifs animados senón que nel tamén se intercalan frases cun carácter moi irónico (que era o que lle faltaba ó famoso anuncio de compresas) como por exemplo: “De que cor é o ceo?”, Que é o medo?” ou “Onde están os gatos?”.

A continuación deixámosvos o cadro orixinal e debaixo os gifs.

A gozar!

Visto aquí.

 

Graffiti 3D

Graffiti 3D

Ultimamente sentímonos cautivadas polo mundo do graffiti, porque dende que puidemos descubrir polo miudo esta arte gracias ó proxecto G+V, estamos algo enganchadas.

E ivestigando pola rede atopamos un proxecto moi interesante desarrollado polo artista orixinal de Miami Alex Yanes, que consiste (nin máis nin menos) que nun graffiti en 3 dimensións. É dicir, engádelle relieve á obra, o graffiti sae da parede.

O resultado é moi interesante e a obra final destaca non só polas cores e os deseños, senón tamén polo valor engadido da terceira dimensión.

Pero mellor é que o comprobedes por vós mesm@s:

graffitti3d graffitti3d1graffitti3d2 graffitti3d3 graffitti3d4 graffitti3d5 graffitti3d6 graffitti3d7 graffitti3d8 graffitti3d9

Visto aquí.

Se continúa navegando no noso sitio acepta a política de cookies máis información

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close