Blog : vídeo

Me&You (Unha curta historia de amor)

Me&You (Unha curta historia de amor)

Ultimamente andamos inmiscidas nun proxecto audiovisual ben xeitoso que virá da man de Arteficial, pero non queremos adiantar acontecementos, así que ata aquí podemos ler…

O caso é que investigando na rede atopámonos con esta curta que hoxe queremos compartir con vós porque cremos que resume moi ben o que é un “Ti e máis eu” e o punto de vista encantounos.

O título é “Me & You” e o seu director é Jack Tew, do cal vos recomendamos que visitedes o seu perfil de vimeo xa que ten moitas cousas interesantes.

Apagade as luces e a disfrutar.

Ler máis

5 segundos dan para moito

5 segundos dan para moito

O que vos traemos hoxe é unha combinación de música, imaxinación e sobre todo coordinación.

Acabamos de ver aquí o último videoclip da cantante marsellesa Siska, titulado “Unconditional Rebel”, e non podemos máis que ficar abraiadas co tremendo traballo de produción e coordinación (sen esquecer os efectos de postprodución).

Explicámosvos: trátase dun plano secuencia rodado en tan só 5 segundos e ó longo de 80 metros cunha cámara de alta velocidade que graba a 1000 frames por segundo. A velocidade normal é de 24 ou 25 frames por segundo, así que vos podedes imaxinar o que fai esta cámara. O resultado final é un vídeo de 3minutos e medio, cheo de persoaxes, efectos especiais e colorido. Pura maxia!

O autor da peza é o realizador Guillaume Panariello e se queredes saber máis del podedes visitar a súa páxina aquí ou o seu perfil de vimeo aquí.

Ler máis

Adams Carvalho e as mulleres solitarias

Adams Carvalho e as mulleres solitarias

Adams Carvalho é un ilustrador (e animador) de São Paulo.

A súa obra salta do erotismo á soidade máis melancólica, pasando pola arrogancia e o hipsterismo. Si, todo esto escerra a obra deste brasileiro.

As súas protagonistas son na grande maioría mulleres. Mulleres espidas de cadeira para arriba, de cadeira para abaixo ou ambas. Podemos atopar mulleres con mensaxes ácidas nas súas camisolas pero tamén un rapaz na súa fixie.

E todo isto bañado con texturas vintage, cores suaves e sombras marcadas.

Podédelo seguir no seu tumbr ou no seu instagram.

tumblr_nanzuk8pnn1qgaxjko1_500 tumblr_nhd18sRQqG1qgaxjko1_500 Adams-Carvalho-15-703x1024 Adams-Carvalho-9-726x1024 10549670_711638285538291_885608044_n 10601964_440837346055976_721340795_n 10616816_615794178533073_1541755990_n 10727240_289307904598399_667702635_n Adams-Carvalho-5-724x1024 1515966_633908040039854_1819294891_n 6_20150127zvC7ms 6_20150127uJtmol 6_20150127TP2u78

O noso traballo: Como na casa, en ningures

O noso traballo: Como na casa, en ningures

Como o Nadal xa está petando na porta, o Concello de Ribadavia presentou hoxe o seu programa de actividades para estas datas, e dentro desas actividades atopábase a “estrea oficial” dun spot que nos encargaron para potenciar o comercio local en Ribadavia.

A idea que se pretende transmitir con este pequeno vídeo é a de cercanía e familiaridade, as características máis potentes do comercio local. E en Ribadavia está claro que @s comerciantes e emprendedor@s nos coidan a base de ben, así que… nós este Nadal mercamos en Ribadavia!

E antes de deixarvos co vídeo gustaríanos agradecer moi efusivamente a colaboración de Garabato Photo, Banathlon, Vilafit, Mosquera e Hijos, S.L., Floravia, El Vestidor de Silvia, Magna Gea, Entretempos, Alucina Lacena e Café-Concerto Son. Gracias por abrirnos as portas dos vosos estabñecementos e por “prestarnos” as vosas dotes interpretativas. Ribadavia, vila de artistas!!

 

Guillaume Blanchet, que bo descubrimento!

Guillaume Blanchet, que bo descubrimento!

Mentres as pulseriñas de gomiñas de cores triunfan como a CocacolaGuillaume Blanchet lles atopa un uso diferente e dá vida con elas a “Unha rapaza chamada Elastika“, curtametraxe premiada con mais dunha decena de galardóns en diferentes festivais internacionais de cine.

Esta curta leva á súa protagonista, Elastika, por diferentes mundos e aventuras recreadas con materiais de oficina cun estilo marcado de videoxogo “oitenteiro” que nos encanta. Unha bonita historia creada con materiais simples e moita paciencia que seguro fascinará a nen@s e non tan nen@s!

Este é só un dos seus traballos como cineasta independente e recomendámosvos  que non vos perdades o resto da súa filmografía, entrade na súa web e descubrídeo, é un grande creativo!

 

A GIRL NAMED ELASTIKA from Guillaume Blanchet I Filmmaker on Vimeo.

 

Discos que cantan

Discos que cantan

Hoxe compartimos con vós un dos mellores videoclips que temos visto nos últimos tempos.

O vídeo mola pola idea, pola montaxe, pola estética… Pero sobre todo polos protagonistas, porque neste vídeo aparecen The Smiths, David Bowie, Madonna, Bob Dylan, Pink Floyd, Abba, Prince e mesmo Lou Reed. E inda non remata aquí a lista! Cando o visionedes atoparedes moitos máis artistazos.

E agora ven a pregunta… Como conseguiron reunir a semellante plantilla? Pois o segredo reside en que quen canta son as portadas máis míticas destas bandas. As protagonistas en realidade son as portadas de LP’s que, animadas polo (moi novo) director israelí Vania Heymann nos cantan e rapean un tema de Roy Kafri titulado “Mayokero”.

Atent@s á historia, que ten mensaxe! A gozar!

Se continúa navegando no noso sitio acepta a política de cookies máis información

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close