Ruta do Viño do Ribeiro-Clúster Turismo de Galicia
Ruta do Viño do Ribeiro-Clúster Turismo de Galicia
Ruta do Viño do Ribeiro-Clúster Turismo de Galicia
Ruta do Viño do Ribeiro-Clúster Turismo de Galicia
Ruta do Viño do Ribeiro-Clúster Turismo de Galicia
Ruta do Viño do Ribeiro-Clúster Turismo de Galicia
Ruta do Viño do Ribeiro-Clúster Turismo de Galicia
Ruta do Viño do Ribeiro-Clúster Turismo de Galicia
Ruta do Viño do Ribeiro-Clúster Turismo de Galicia
Ruta do Viño do Ribeiro-Clúster Turismo de Galicia
Ruta do Viño do Ribeiro-Clúster Turismo de Galicia

Ruta do Viño do Ribeiro-Clúster Turismo de Galicia

A comezos do verán de 2015 o Clúster de Turismo de Galicia sacou a concurso un proxecto para desenvolver unha estratexia de promoción da Ruta do Viño do Ribeiro (RVR). E alí estabamos presentando a nosa proposta coa cal tivemos a sorte de gañar o concurso.

Así comezaba o que foi (ata o momento) o proxecto máis grande que tivemos entre mans A&B.

O traballo consistía no deseño dun mapa do que abarca a Denominación de Orixe Ribeiro e no que situar os cerca de 50 establecementos asociados á RVR ademais dun libriño-guía no que falar das características de cada un deles. Isto viña apoiado polo redeseño da súa web, a cal tivemos que facer practicamente dende cero. A dificultade tamén residía en que cada unha das publicacións e a páxina web tiñan que realizarse en tres idiomas: galego, castelán e inglés.

O último encargo que completaba este proxecto consistía nunha carpetiña na que cada asociado puidese colocar a súa carta de viños. E ata agora podedes pensar que non era para tanto, non? Que tampouco era un encargo tan grande. Pero o que a nós nos abrumaba realmente era que estabamos a falar dunha tirada de 15.000 mapas, 5.000 libros e 50 cartas de viños. Sabedes o que ocupan 15.000 mapas e 5.000 libros?

Temos que admitir que foi unha tarefa laboriosa, ademais de que estivemos traballando a contrarreloxo (tiñamos un prazo moi axustado) pero que nos encantou levar a cabo. Quen nos coñecedes sabedes o que nos gusta traballar no e para O Ribeiro, por iso puxemos moitísima ilusión nestos deseños.

Xa para rematar queriamos deixar constancia de que este proxecto saíu adiante gracias ó marabilloso traballo e estupendo equipo que formamos coa nosa tradutora Silvia Villar e o noso informático José Barros de Autoxiro. Sen esquecer a adicación da técnica da RVR, Sonia Couso, que traballou arreo para facilitarnos toda a información que precisabamos e a axuda de Xosé Gonzalez do Polígono Virtual de Galicia que se preocupou por que tivesemos unha perfecta impresión! Gracias a@s catro!

E convidámosvos a que visitedes a súa web: www.rutadelvinoribeiro.com e que sigades os pasos desta asociación, que ten moito para mostrar da fantástica comarca na que vivimos.

 

Se continúa navegando no noso sitio acepta a política de cookies máis información

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close