Blog : música

Wide Open, o novo de The Chemical Brothers

Wide Open, o novo de The Chemical Brothers

The Chemical Brothers son un dúo inglés de música electrónica que levan máis de 20 anos en activo. Durante os seus anos de carreira teñen feito infinidade de colaboracións con outros músicos e músicas e tamén teñen coqueteado co mundo da arte (o Museo Nacional Británico de Arte Moderno convidounos a que elexiran un traballo que os inspirara de entre a súa colección de arte moderno e, a continuación, escribiran unha canción sobre el. Podedes escoitala aquí). Por iso non nos sorprende que moitos dos seus vídeos permanezan na nosa memoria (quen non recorda aquel contundente Hey Boy, Hey Girl no que unha orda de esqueletos bailaban nunha discoteca?).

Bueno, pois o vídeo que vos queremos ensinar hoxe non nos parece menos interesante xa que se trata dun plano secuencia no que unha bailarina ve como o seu corpo se vai convertindo nunha especie de malla xeométrica. Uns efectos visuais de dez adornados coa marabillosa voz de Beck.

O traballo está firmado por dom&nic, os directores Nic Goffey e Dominic Hawley, con quen levan traballando dende 1997 e a quen lles debemos a xoia que antes mencionabamos: Hey boy, hey girl. Tamén cabe destacar o traballo da bailarina británico-xaponesa Sonoya Mizuno, quen nos hipnotiza cos seus movementos.

Subide o volume dos altavoces e disfrutade!

 

Ler máis

ABC musical

ABC musical

Como estamos a luns, chove e os días son cada vez máis curtos que vos parece se comezamos a semana con música? Non hai nada que non mellore unha boa canción ou, neste caso, unha boa e orixinal idea.

Priscilla Fois Missk é unha deseñadora gráfica, ilustradora e directora de arte italiana que creo un abecedario tipográfico a partir de 24 portadas de vinilos. Portadas que nos soarán a case tod@s.

Ademais do orixinal da idea encántanos o colorido que utiliza como fondo de cada composición (a parte do seu gusto musical).

Ler máis

O noso traballo: ProgramaSon

O noso traballo: ProgramaSon

Dende hai uns meses parece que a boa música en directo fixose un oco na nosa vila. Por fin tres dos moitos emprendedores que pariu este pobo, Lisi, Lore e Manuel, se ían preocupar de crear un espazo onde a música en directo fose a protagonista dando así un pouco de vidilla a Ribadavienses e foraneos. Gracias, de corason!

Eles dende o seu  blog infórmannos dos movementos pélvicos que se aveciñan ao Cafe Concerto Son e para este primeiro trimestre do ano encargáronnos o deseño do cartel informativo, unha programason moi completa, que nós non nos imos perder! 

Graciñas pola confianza chicos e moita sorte neste proxectazo!

micro2_correxido

 

Discos que cantan

Discos que cantan

Hoxe compartimos con vós un dos mellores videoclips que temos visto nos últimos tempos.

O vídeo mola pola idea, pola montaxe, pola estética… Pero sobre todo polos protagonistas, porque neste vídeo aparecen The Smiths, David Bowie, Madonna, Bob Dylan, Pink Floyd, Abba, Prince e mesmo Lou Reed. E inda non remata aquí a lista! Cando o visionedes atoparedes moitos máis artistazos.

E agora ven a pregunta… Como conseguiron reunir a semellante plantilla? Pois o segredo reside en que quen canta son as portadas máis míticas destas bandas. As protagonistas en realidade son as portadas de LP’s que, animadas polo (moi novo) director israelí Vania Heymann nos cantan e rapean un tema de Roy Kafri titulado “Mayokero”.

Atent@s á historia, que ten mensaxe! A gozar!

Ukelele Kit Project

Ukelele Kit Project

O venres xa faciamos un pequeno adianto de presentación do Ukelele Kit Project, xa que por fin saíu á luz. Pero hoxe imos afondar un chisco máis no tema, para que saibades en que consiste.

O Ukelele Kit Project é un proxecto impulsado por O Gato Cósmico, unha galería/tenda de arte/ moda/ deseño e artigos Do-It-Yourself xestionada por Matilde, unha compañeira da comarca. E foi ela a que se puxo en contacto con nós a finais do ano pasado para animarnos a que participaramos no seu proxecto (e temos que admitir que non tivo que insistir nada nadiña, xa que dende o comezo nos pareceu súper interesante).

E agora estarédesvos preguntando en que consiste exactamente o proxecto, non? Pois bueno, aquí vos vai unha descrición da propia Matilde do que é o Ukelele Kit Project:

“O proxecto ten como punto de partida un dos produtos máis exitosos da nosa tenda: o ukelele montable. Así, propúxoselle a 10 artistas que interviñeran, decoraran e montaran un destes ukeleles montables, dando lugar a unha colección de 10 pezas únicas moi diferentes entre si e que mostran os diversos estilos dos seus creadores. Logo diso e, aludindo ó carácter musical que a propia peza ten, propúxoselle a 10 grupos musicais tocar unha canción do seu repertorio utilizando un dos ukeleles da colección, adaptándoa ó instrumento e creando unha versión nova dunha canción xa existente. Por último, propúxoselle a 10 realizadores audiovisuais facer os vídeos das 10 cancións resultantes, 10 vídeos que, partindo dunha idea moi sinxela, mostran a calidade e a creatividade dos seus realizadores.

O resultado: unha exposición colectiva e multidisciplinar na que participan máis de 30 creadores galegos – ou vencellados a Galicia – provenientes do mundo da arte, a música e o audiovisual.”

Un proxecto completísimo e interesantísimo, non vos parece? Nós estamos encantadas de ter participado e dende aquí queremos agradecerlle a Matilde a confianza depositada en nós para formar parte do seu proxecto. E agora esperamos ansiosas a que saian á luz os demais vídeos para podelos ver todos!

De momento aquí vos deixamos o #1: Os amigos dos Músicos+Pablo López+A&B.

Ukelele Kit Project. “Pavillón dos Remedios”. Os Amigos dos Músicos. from A&B Comunicación on Vimeo.

ukelele1

ukelele2

ukelele3

ukelele4

ukelele5

ukelele6

ukelele7

ukelele8

ukelele9 ukelele kit project

Se continúa navegando no noso sitio acepta a política de cookies máis información

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close