Aquí vos deixamos o novo cartel para promocionar a inscrición de alumnas e alumnos na Aula Municipal de Teatro de Ribadavia.

Rosa Puga, coordinadora da escola, contactou conosco xa que quería rachar coa liña de deseño anterior e facer algo máis chamativo e moderno. A nosa proposta centrouse na técnica do collage, técnica que empregamos ultimamente en moitos dos nosos deseños e na que nos sentimos moi agusto.

Eleximos unha muller como protagonista e empregamos tonalidades rosadas e claras no deseño, un pouco de purpurina, un toque musical, flores, luces e… ao escenario! Este é un deseño do que estamos moi orgullosas e que dende os usuarios e usuarias da escola só nos chegan comentarios fermosos. GRAZAS!

E moitas grazas tamén a Rosa, por confiar en nós este deseño. Foi un pracer colaborar co teu traballo, o que admiramos dende xa hai moitos anos, e facer que a escola medre como merece.

Viva o teatro!