Blog : graffiti

Desordes Sonoras

Desordes Sonoras

Este fin de semana movímonos ata o norte para visitar (e gozar) o Desordes Sonoras, un festival artístico-musical organizado por xente do DesOrdes Creativas. A xornada comezaba xa na hora do vermú e remataba con concertos ata ben entrada a noite. Pero a actividade diurna estrela foi o roteiro guiado polos murais da vila, que inda que breve, foi moi, moi interesante.

Para quen non a coñeza, Ordes é unha vila coruñesa que (baixo o noso punto de vista) foi situada no mapa grazas ao festival de arte na rúa chamado Desordes Crativas. Así é que se pode pasear polas súas rúas e deleitarse con murais de pequena e grande escala pintados por artistas vid@s dende Italia, Arxentina, México ou Grecia así como do Estado español e a propia Galiza. Unha sorte contar con tanto colorido e arte ao alcance de todas e todos.

Así que A&B puxemos rumbo a Ordes na procura de inspiración. E atopamos iso e moito máis, xa que os murais son unha auténtica marabilla e os concertos foron o broche de ouro para unha xornada ben fermosa. Ah! E encantounos saudar a Noel e ver como pintaba en directo. Un artistazo!

Deixámosvos cunha pequena mostra do que foi o roteiro e convidámosvos a que vos acheguedes un día, porque paga moito a pena. Arte para tod@s!

 

 

 

 

Yoga+Arte

Yoga+Arte

Soren Buchanan é unha monitora de Yoga de Chicago namorada da arte que quixo unir as súas dúas maiores paixóns nun proxecto realmente atractivo e visual (ou polo menos así nolo parece a nós).

O que hoxe vos traemos son unha serie de coidadas e coloridas fotografías nas que a monitora posa realizando diferentes posturas de yoga. Pero non só iso, porque o esceario que ela escolle son as paredes cheas de graffiti da cidade.

Nótase que hai unha preparación previa detrás de cada fotografía pola colocación da propia monitora, o vestiario escollido, etc.

Unha serie de fotografías a non perder polas cores, a beleza das posicións do seu corpo e pola idea.

Non deixedes de seguir tamén o seu Instagram.

yoga-street-art-Soren-Buchanan-02

Ler máis

Unha visita guiada polo mundo da arte urbana

Unha visita guiada polo mundo da arte urbana

Queredes disfrutar do mellor da arte urbana no Brasil?

Ver os muros máis impactantes de Berlín?

Comprobar que é o que se coce nas paredes de Praga?

Pois agora gracias a Google Street Art podemos facer unha visita guiada sen movernos da nosa casa polo mundo da arte urbana. Claro que o mellor sería velo in situ, pero mentres aforramos para iso podémonos ir empapando gracias a esta galería virtual desarrollada polo instituto cultural de google.

Nesta páxina podemos disfrutar de visitas con audio, explicacións das obras, historias dos e das artistas, exposicións on line e moito máis. A que estades esperando?

[Aviso para navegantes: unha vez que abrades a páxina os minutos e as horas desaparecerán a fume de carozo!]

Ler máis

Graffiti 3D

Graffiti 3D

Ultimamente sentímonos cautivadas polo mundo do graffiti, porque dende que puidemos descubrir polo miudo esta arte gracias ó proxecto G+V, estamos algo enganchadas.

E ivestigando pola rede atopamos un proxecto moi interesante desarrollado polo artista orixinal de Miami Alex Yanes, que consiste (nin máis nin menos) que nun graffiti en 3 dimensións. É dicir, engádelle relieve á obra, o graffiti sae da parede.

O resultado é moi interesante e a obra final destaca non só polas cores e os deseños, senón tamén polo valor engadido da terceira dimensión.

Pero mellor é que o comprobedes por vós mesm@s:

graffitti3d graffitti3d1graffitti3d2 graffitti3d3 graffitti3d4 graffitti3d5 graffitti3d6 graffitti3d7 graffitti3d8 graffitti3d9

Visto aquí.

O noso traballo: G+V

O noso traballo: G+V

Non vos podedes imaxinar a ilusión que nos fai podervos presentar (por fin!) o proxecto rematado de Graffiti+Viño. Foi un proxecto longo, con diferentes fases, pero que nos aportou infinidade de cousas boas.

A primeira, coñecer de preto ó marabilloso equipo de Arteficial. Dá gusto ver como a xente disfruta traballando colectivamente, pero sobre todo de maneira voluntaria. Traballar para nós, para facer cousas que nos ilusionen e emocionen e por AMOR á ARTE.

Por outra banda encantounos coñecer a Alfredo (Adega Pousadoiro), a Magda (Adegas Aurea Lux), e a Antón (Adega Alecrín). Gracias por abrirnos as portas das vosas adegas e deixarnos pasar até a cociña. Ós poucos, a cultura do viño vai tendo menos segredos para nós 😉

E o que foi un pracer tremendo foi coñecer a Mon, Asten e NO3L, e velos traballar “en vivo e en directo”. Un luxazo.

Con todos estos ingredientes non o tiñamos complicado para facer un proxecto interesante, bonito e diferente. E o noso traballo era tentar plasmalo en imaxes. Esperamos ter estado á altura.

A nosa labor centrouse en realizar un logo para o proxecto e cubrir todo o que foi a actividade para realizar un vídeo-resumo. A música corre a cargo do noso (moi ben querido) técnico de son: Natural Zero, que fixo un traballazo.

Deixámosvos co resultado final, esperando que o disfrutedes case tanto coma nós. E recordade que se queredes levar para a casa unha caixa cun anaquiño de graffiti e tres botellas só vos tedes que poñer en contacto coas adegas.

Brindemos cun Ribeiro por moitos proxectos fermosos coma este!

 

fotograma0 fotograma1 fotograma2 fotograma3 fotograma4 fotograma5 fotograma6 fotograma7 fotograma7b fotograma8 fotograma9 fotograma10 fotograma11 fotograma12 fotograma13 fotograma1410322827_237931599740238_3835696897867664990_n 10329211_237931919740206_5877311489362780085_n 10322663_237931999740198_1049181253662692303_n 10305595_237931809740217_5662920241637106851_n 10291041_237932406406824_1787454354240869409_n 10262063_237932239740174_569515442397375051_n 10252156_237931666406898_4885744823844210949_n 10001384_237931443073587_7353315082785286420_n 10253806_237932153073516_1330414989196365984_n

 

Promo 1:

 

Promo 2:

 

 Documental:

Spot:

tríptico exterior_ainhoa tríptico interior_ainhoa

Datas:

29 de Marzo:  Encontro entre artistas e adegueiros. Visita a cada unha das adegas.
30 de Marzo: Realización dos murais en Castrelo de Miño. De 10 da mañán ás 20:00h.
2, 3 e 4 de Maio: Presentación oficial dos resultados da acción e exhibición dos murais na 51 edición da Feira do Viño do Ribeiro.

Adegas participantes:

Alecrín, de Cenlle.
Aurea Lux, de Ribadavia
Adega Pousadoiro, de Castrelo de Miño

Artistas participantes:

Mon Devane, de Ourense
Nas, de Rianxo
Asten, de A Coruña

Organiza:

Asociación ARTEFICIAL

Colabora:

Consello Regulador da Denominación de Orixe O Ribeiro
Concello de Castrelo de Miño
Concello de Ribadavia

Música orixinal:

Natural Zero
“Agua” (coa colaboración de Hugo Mojón na guitarra)
“Afro”
“Power colour”

Agradecementos:

Entretempos
Cdos Carpinteros
Blanca Cáceres
Alfredo Fernández
Valey Dj
Troche e Moche Dj’s
Spray Planet
Tod@s @s membros de Arteficial

Se continúa navegando no noso sitio acepta a política de cookies máis información

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close