Blog : natureza

#QueimanGaliza

#QueimanGaliza

Así é como nos atopamos Abelenda, Carballeda de Avia e o Monumento Natural de Pena Corneira este luns 16 de outubro de 2017.

Non temos palabras pra describir o sentimento enorme de pena e carraxe que sentimos, pero si queremos, con estas fotografías, que fique aquí a proba do que podemos facer as persoas cando nos deixamos levar polo egoísmo, pola avaricia, pola ignorancia e pola falta de amor propio.
Esperamos e faremos o que esté nas nosas mans pra conseguir que esto non quede no esquecemento, queremos saber quen é responsable e sobre todo queremos solucións xa.

E se alguén quere arroxar algo de luz a este inferno e entender por que acontece esto, recomendamos encarecidamente a lectura do artigo de Xose Manuel Pereiro ao que podedes acceder premendo aquí.

Lumes nunca máis. Queremos vivir nunha sociedade na que nos coidemos unhas a outras e para iso primeiro temos que aprender a querer, amar e respectar a quen nolo dá todo: a terra.

Ánimo a quen viu cos seus propios ollos como a vida esmorecía co lume. Estos días todas perdimos, o que está claro é que unhas máis que outras.

Ler máis

Xa é venres, compañeir@: Anacos do Ribeiro

Xa é venres, compañeir@: Anacos do Ribeiro

Encántanos compartir con vós os traballos, proxectos e ideas de xente que coñecemos, pero moito máis cando se trata de xente da comarca.

Porque se dalgo podemos fachendear no Ribeiro é de actitude. Porque hai xente moi válida e con gañas de facer cousas.

Hoxe traémosvos o exemplo do blogue Imaxes en Anacos. O autor; un neofotógrafo (se se nos permite a expresión), ofrécenos un espazo cheo de sensibilidade, contido, raiba, beleza, pensamento, denuncia, ironía, crítica, natureza, humor… Tantas cousas que non sería doado reducilas a unha breve entrada de blog.

El mesmo describe en poucas palabras o que nos atoparemos no seu espazo (ou obra entre comiñas): fotografiando, divagando e liberando música. Nada que poida ser de interese. E nós discrepamos con esta última parte. É unha obra (sen comiñas) de moito interese.

Encendede os altavoces, poñédevos cómod@s e a disfrutar.

 

Se continúa navegando no noso sitio acepta a política de cookies máis información

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close