Blog : mascotas

O alfabeto canino

O alfabeto canino

Andrei Clompos é un artista rumano que destaca sobre todo polas súas dotes de ilustrador, non deixedes de visitar o seu perfil en Behance ou o seu Facebook.

Pero o que hoxe vos queremos presentar é un proxecto no que une a súa paixón polos cans e pola tipografía. Este artista creou un alfabeto canino no que a cada letra lle atribúe unha raza de can e explica brevemente as súas características.

A nós gustounos moito, pero só lle vemos un pequeno “erro”: cremos que o “L” debería ser de Ledo, así que lanzamos a nosa proposta:

L de Ledo_2

Ler máis

O meu can ten unha humana

O meu can ten unha humana

As persoas que temos a sorte de compartir as nosas vidas cun compañeiro ou compañeira canin@ tamén coñecemos á perfección as partes menos románticas desta convivencia. Inda así, querémol@s como parte da familia porque o bo supera con creces o menos bo.

Pois este tema serviulle de inspiración a Rupert Fawcett para escribir e ilustrar os seus libros “The secret life of dogs” (“A vida secreta dos cans”) e “A dog’s best friend” (“O/a mellor amig@ dun can/cadela”). Viñetas que narran con humor o día a día dunha persoa con can.

Se vivides cun Ledo coma nós verédesvos moi identificad@s.

 

Ler máis

Unha pega moi fotoxénica

Unha pega moi fotoxénica

Esta historia comeza cando unha familia rescata a unha cría de pega que cae dunha árbore. E a partir de aquí todo é beleza.

Os e as protagonistas desta historia son unha familia de Newport, Australia, que despois de atopar a unha cría de pega, coidala, curala e deixala en liberdade, ésta decide voltar a miúdo a visitar á súa familia adoptiva. Xoga a collerlles as cousas, entra e sae da casa e mesmo se pousa sobre os seus ombros. O nome da fermosa (e moi humana) pega é Penguin e forma xa parte da familia: “É como un can movendo a cola: séntase aí na árbore e axita as súas ás coma se estivese contenta“, “Ve a tele, salta cos nenos e polas mañás voa á nosa cama e anícase“.

A beleza das imaxes é sinxela, sobre todo porque reflicten unha historia fermosa.

E a nós esta historia recórdanos infinitamente ó noso gran amigo Jacobo e á súa famila. Quen teñan o inmenso pracer de coñecel@s estarán dacordo con nós 😉

(Se queredes ver máis fotografías de Penguin e a súa familia visitade o seu Instagram aquí)

Ler máis

Onde está Momo?

Onde está Momo?

Despois de case ano e medio (xa!!) de vida deste blog, supomos que non será ningún segredo para ningunh@ de vós que temos unha pouca (moita!) debilidade polos cans. Quizais esta debilidade débese a que o Ledo é o mellor can do mundo 😉 (Lembrádesvos da súa actuación estelar no concurso de felicitacións de nadal de Dinahosting?) pero é que en varias ocasións temos visto proxectos que combinan á perfección fotografía, vídeo e amizade canina: quen non se lembre da marabillosa Maddie que clique aquí.

E hoxe traémosvos isto mesmo: Find Momo.

Find Momo é un libro de fotografía. Pero tamén é un xogo, xa que seguindo o mesmo funcionamento do archicoñecido “Dónde está Wally?” o seu autor, Adrew Knapp, convídanos a atopar a Momo en cada fotografía. O proxecto comeza cando o fotógrafo decide viaxar ó longo da xeografía estadounidense acompañado do seu border collie Momo. E se o Ledo é un gran actor, Momo non fica para nada atrás, se non, comprobádeo neste vídeo:

E agora deixámosvos con algunhas das fotografías do proxecto, non sen antes recomendarvos o lugar onde coñecimos a Andrew Knapp, o seu Instagram: (@andrewknapp).

tumblr_naq9elKqIO1rl7jb2o1_1280 tumblr_nax4d2e6CQ1rl7jb2o1_1280 tumblr_nbbt26CoXJ1rl7jb2o1_1280 tumblr_nbpfw6m0141rl7jb2o1_1280 tumblr_nbsj4octlJ1rl7jb2o1_1280 tumblr_nbya8w4Zkt1rl7jb2o1_1280 tumblr_nc1tliRwx61rl7jb2o1_1280 tumblr_nc5lclYyAX1rl7jb2o1_1280 tumblr_ncb6v4yEws1rl7jb2o1_1280 tumblr_ncd9w0RWbu1rl7jb2o1_1280 tumblr_ncet2fc9G61rl7jb2o1_1280 tumblr_ncglhr5zrZ1rl7jb2o1_1280 tumblr_ncrtx54pJT1rl7jb2o1_1280 tumblr_ncttp3vhC91rl7jb2o1_1280 tumblr_nd164h9SQS1rl7jb2o1_1280 tumblr_ndhtjylo6G1rl7jb2o1_1280 tumblr_ndjoghVFr31rl7jb2o1_1280 tumblr_ndsx35y28r1rl7jb2o1_1280

We are the Champions

We are the Champions

O Nadal 2013-2014 vai ser un deses nadales que non imos esquecer en tempo. Como xa vides vendo dende fai unhas semanas mergullámonos no mundo “Dinahosting” e no seu concurso da felicitacións de nadal.

Agora queremos contarvos como foi esta experiencia chea de emoción e alegría para nós.

A nosa felicitación protagonizouna o bo do Ledo, o can de A, do que se podería dicir que é a parella ideal de Lassie, a cadela que mantivo en vilo ás nosas familias diante dos televisores nos 60’s. O Ledo coa súa paciencia fíxonos moi doado gravar a felicitación e a verdade  é que o noso protagonista estaba como can na auga :p diante da cámara. Un bo catering de salchichas, moitos agarimos e risas foron dabondo para convencer ó Ledo, que estivo encantado de xogar a ser o noso actor durante toda a gravación.

Aquí vos deixamos o enlace á felicitación e ás tomas falsas, para que o comprobedes.

 

O día de inicio da votación iniciamos a nosa campaña #unchuletonparaoLedo e comezamos a colapsar os vosos emails, whatsapps, facebooks… bueno eso xa o sabedes 😉  E para facer máis atractiva a promoción fixemos algunhas montaxes que gracias a vós triunfaron coma a Cocacola!

1483083_184378351762230_1332598656_n

1489249_185478404985558_1257919520_n

1528746_187154258151306_1664689756_n

1513298_187814694751929_1444161361_n

Pasamos os seguintes días comendo, durmindo e traballando co Dinahosting a voltas. Despois dunha disputada competición contra un contrincante un chisco trampulleiro logramos unha gran ventaxa en votos e fixemos a conta atrás un pouco máis tranquilas. E por fin puxéronse en contacto con nós os organizadores! Gañamos o primeiro premio do público! Happismo a tope!

E como o prometido é debeda e temos unha gran débeda con tod@s vos hoxe vos deixamos co noso Lediño e o seu particular premio. Gracias a todos, gracias ó Ledo!

 

O gato con medias

O gato con medias

Ás veces as ideas máis extrañas ou as que comezan coma unha broma, poden ser as que mellor funcionan. Se non que llo digan a esta parella que discurriu facerlle fotos ós seus tres gatos vestidos con mallas, medias e calcetíns. O que comezou coma un xogo estase convertindo en tendencia nas redes sociais, e nós tememos polos pobres gatos, que se terán que someter a intensas e alongadas sesións fotográficas. Inda así, cando moit@s puidesemos crer que se trata dun sometemento, Wulff, un dos propietarios dos gatos dixo que Gucci é un “gato tranquilo e relaxado” ao que non lle importa en absoluto ser vestido con roupas humanas. “El só ronronea”, agrega o dono do agora famoso felino.

A páxina de Cats Wearing Thights mostra sinxelamente unha cousa: imaxes de gatos vestindo mallas ou leggings nas súas dúas extremidades traseiras.  Pero ten a súa gracia.

Visto aquí.

 

Se continúa navegando no noso sitio acepta a política de cookies máis información

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close